Gedicht von Gertraud Schöttl

1. Ja unser Chor der feiert heit Und des is sicher wohr,

a riesengroßes Helferfest des gibts ned jedes Johr.

Zu unserm schönen Fest ham mir geladen viele Leit,

dass ihr heit alle kemma seids macht uns a große Freid.

Bist a do, bist a do, Griaß Gott ihr liaben Gäst

So schee dass ihr all kemma seids Zu unserem Helferfest.

Seids a do, seids a do Verdient ham mir´s uns alle

Weil garbat ham mir miteinand In Bader Hans sei Halle.

2. Er hot a neie Halle baut, i red vom Bader Hans,

is richtig schee und riesig worn ja mei – der Hans der kanns

und als der Reinhard ihn zwengs dem Kreissinga hot gfragt,

hot er net lang gezögert und dem Vorstand zugesagt.

Der Bader, der Bader des sagn mir unverblümt,

der is im Brucker Landkreis seit dem Kreissinga berühmt,

der Bader, der Bader Hans, der hot no vieles vor,

doch wär für dich des I-Dipferl du singst bei uns im Chor.

3. Zwanzig Chöre singa hörn, des kannst im Sängerkreis,

 ob Stuabach oder Günzlhof, Grafrath und Mooraweis ,

de kemma all zu uns in unsre schön geschmückte Halle

zum Singa, Bier, Kaffeetrinka do kann ma´s braucha alle.

Seid´s a do, seid´s a do, Des gfreit uns wirklich sehr

Dass ihr die schöna Liader Bringts allen zu Gehör

Seid´s a do, Seid´s a do,

Ob Gmischt oder Männerchor

Die schöna Melodien klinga uns no lang im Ohr.

4. Den Ausschank ham die Burschen gmacht

Des hot guat funktioniert, zuerst ham sie die Leitung glegt

und s´Bier dann glei probiert. Ihr seids für uns die Rettung gwen,

wir danken euch dafür fürs arwan und fürs feiern

ham Burschen halt a Gspür. Seid´s a do, seid´s a do,

auf euch wart i scho lang ihr seids a guater Haufa

und ziagts an einem Strang Seid´s a do, seid´s a do

Wir heben hoch das Glas, ein Hoch auf unsre Burschen,

mit eich macht´s richtig Spaß!

In Mittelstetten do gibt´s an Chor, des san ganz bsondre Leit,

de nemman sich zum Singa und auch zum Feiern Zeit.

Zurück